ALLT að gerast.... heimsóknir, skólinn og afmælið mitt
AHA búin að fá heimsókn frá Siggu og talaði svo við hana og heyrist á henni að hún ætli að koma aftur.... Mamma og Pabbi ætla að láta sjá sig hér eftir mánuð, Jónas bróðir er að reyna að koma og svo hitti ég óvænt á Jón Þóri frænda hér núna. Soffía kemur í október, Aldís vinkona Salóme er á leiðinni í heimsókn eftir viku og Viddi hennar Saló mun koma í nóv. Hreint út sagt nóg að gera í túrista/djamm- og verslunarpakkanum hjá okkur – bara gaman.

Annars er skólinn að komast í fast horf. Búin að vera í viku að reyna að finna mér einhverja áhugaverða kúrsa sem ég fæ metna heima. Vona bara að þetta komi allt heim og saman sem fyrst. Ég er í tveimur deildum innan skólans sem eru staðsettar í sitthvorum hluta Barcelona – elska metró það bjargar þessu. Bíst við að taka 5 fög, (stærðfræði, fjármál, þjóðhagfræði, málfræði og málnotkun) öll á spænsku svo þessi önn í skólanum er ein STÓR áskorun. Gaman að sjá hvað maður getur, vona að ég komi sjálfri mér á óvart.

.... já svo styttist í að ég verði STÓR stelpa – ok kannski ekki stór en alla vegana eldri 24 ára skólastelpa. 29. september er flottur dagur. Ég og Salóme ætlum að skipuleggja einhvað sniðugt saman og fara út að borða....