Hátíð íslenskra heimildamynda..... já há ;o)

Skjaldborg hátíð íslenskra heimildamynda var haldin hátíðlega um helgina á Patreksfirði sem er reyndar ekki frásögufærandi nema á hátíðinni var stórskemmtileg mynd um búðina hans pabba og Stjána frænda. Myndin Kjötborg var líst á eftirfarandi hátt:

KJÖTBORG
Við Ásvallagötu í Reykjavík stendur kjörbúðin Kjötborg. Bræðurnir Gunnar og Kristján eru goðsagnir í lifanda lífi, síðustu móhíkanar smákaupmannastéttarinnar. Með sjarmann og samhjálpina að vopni hefur þeim tekist að lifa af á meðan samherjar þeirra hafa orðið að víkja fyrir ráðandi markaðsöflum. Fylgst er með daglegu lífi þeirra bræðra og varpað upp myndum af vel völdum fastakúnnum.

Leikstjórn: Helga Rakel Rafnsdóttir og Hulda Rós Guðnadóttir
Lengd: c.a. 47 mín.

...mjög skemmtilegt þetta en tökur á myndinni hafa staðið yfir í rúm tvö ár og mikið brallað á þeim tíma: Kjötborgarhátíðin - þá var búðin 50 ára, 2* jólaglögg í búðinni ásamt mörgum skondnum tökum bæði í búðinni og hjá pabba og Stjána í daglegu lífi.... en núna kemur SKEMMTILEGA FRÉTTIN. Palli Hauks vinur pabba hringdi í gærkvöldi og tilkynnti honum það að KJÖTBORG HAFI VERIÐ VALIN BESTA MYND HÁTÍÐARINNAR sem er ekkert smá skemmtilegt. Kjötborgarbræðurnir því að verða frægir kappar og langar mig til að óska Huldu og Helgu Rakel innilega til hamingju með myndina, búið að vera æðislegt að fylgjast með þessu öllu saman. Núna hlakka ég bara til að sjá myndina sjálf og treystið mér ég á eftir að liggja í kasti yfir þessu hehe....

…en ekki meira um þetta í bili – ætla að halda áfram að læra – skil á 60.bls verkefni á mánudaginn næsta og nóg eftir. Gangi ykkur vel í skóla og starfi ;o)