Flugferðir næstu mánuðina ;o)

Jæja þá er kominn tími til að hoppa upp í flugvél og halda á vit ævintýranna... ætla að sóla mig á Mallorca í nokkra daga, kíkja í dásamlega Dísarferð til Stokkhólms og aldrei að vita nema maður skelli sér heim á klakann bráðlega. En bókaðar flugferðir eru eftirfarandi núna:

Lau 9. ágúst - Köben - Palma Mallorca
Lau 23. ágúst - Palma Mallorca - Köben

Föst 12. sept - Köben - Stockholm
Mán 15. sept Stockholm - Köben

Jíhaaa nóg til að hlakka til greinilega. Annars er allt gott að frétta héðan frá Kóngsins Köben, sól og blíða loksins hér...helgin var hlý og skemmtileg, ca 25-30°og sól. Kíkti á ströndina báða dagana, sólaði mig og lék dúndrandi tennisleik í vatninu við Gyðu og Kidda.

Í dag fórum við Gyða svo í misheppnaða chillferð í Parken. Hjólaði hress og kát eftir vinnu til að hitta hana, því við stöllur ætluðum að slaka á í garðinum, grilla pylsur og hafa það næs. Veðrið var æði og var það eina sem ekki klikkaði eða í stuttu máli:
* Keyptum einnota grill sem var allt blautt og gekk því erfilega að kveikja upp í
** loksins tókst það, ég brenndi mig og viti menn - það hitnaði ekkert
*** Gyða hjólaði út á bensínstöð til að kvarta og fá nýtt...loksins fengum við heitt grill
**** Urðum fyrir árás GEITUNGA VIÐBJÓÐA...shit hvað þetta var ógó
*** Gyða hellti remúlaði í teppið sitt
** Brenndum eitt brauðið svo illa að það kviknaði í því
* Vorum eins og fávitar hlaupandi um grasið að reyna að borða pylsuna

En sem betur fer fór þetta allt á besta veg. SS pylsurnar bragðast alltaf jafn vel og sólin var næs. Er þó komin heim núna í notalegheitin. Eigið góðan dag elskurnar!