Gef mér S....NILLLLDDDDDD!!!

JAHÁ, svei mér þá er lífið búið að leika við mig síðastliðna viku og hefur buddan fengið að finna fyrir ferðinni og farið er að rjúka úr VISA kortinu.... helgarferðin mín í Köben með múttu var hrein og tær gleði og glaumur. Mjög ljúft að spássera um í 25°hita og sól, ströndin, kíkja í öl og milli H&M búða.... litlu rassmínurnar frænkur mínar (Bryndís og Natalía) voru sannir snillingar líkt og mæður þeirra og Sibba, góðir gestgjafar og ekki leiðinlegt að vera dekraður í bak og fyrir ;o)

Ekki var verra að koma heim á miðvikudagskvöldi þegar HELGIN var farin að banka á dyrnar.... og það fljótt, the weekend einkenndist af fljótandi formi, mest með frekar háa alkahól prósentu - enda stuðið og stemnigin eftir því!!

Tók smá forskot á sæluna og trallaði á Footloose með Salóme og Fanneyju. Mjög skemmtilega sýning og smá Verzló flashback enda 6 aðilar í sýningunni búin að hrista rassa og þenja raddböndin í sýningum með skólanum góða - endilega kíkið á fjörið, þetta var massa stuð!!

Starfsmannapartý á föstudaginn - með tilheyrandi fjöri. Partýbakkar frá Friday´s og öl, gleði gleði sem endaði á Sálarballi á Nasa... það sem besta var að við vorum með frímiða á ballið enda fórum ég, Sandra og Ólöf að reynsluaka bíl hjá Toyota fyrir frímiðum ;) sniðugar ekki satt!! Eftir meira en sveitta stemningu á Nasa fórum við á röltið og var ég komin alltof seint heim....

... Hressleikinn var því ekki í fyrirrúmi þegar Íris Ósk vakti mig fyrir gæsunina hjá Erlen kl. 09:30, þetta heppnaðist þó rosalega vel, Erlen tók sig mjög vel út í svínabúning á línuskautum í ratleik um Seltjarnarnesið og hvað þá tónleikarnir sem hún og steggurinn hann Kiddi spiluðu á Eiðistorgi í skátabúningum!! Því miður gat ég ekki verið mikið með þeim þennan dag svo ég yfirgaf gleðina eftir brunch og magadanskennslu til að geta hitt Dísirnar góðu úr Réttó...

...frekar abbó að hafa misst af sveitafitness á Hvanneyri en grillið og gleðin hjá okkur stúlkukindunum um kvöldið toppaði stemninguna! Verð að segja að þessi helgi var eintóm gleði og ánægja - þreyta og þynnka sunnudagsins miðaðist við stuðið um helgina ;)

Núna er bara um að gera að reyna að gera eitthvað meira í blessuðu BS ritgerðinni minni og fagna sumri - held að veðrið sé loksins komið til okkar!