Lasarus

ÓGEÐIS leiðinlegt að vera veikur....og hvað þá þegar það er um 18°heitt úti og sól! Ég vorkenni sjálfri mér mikið, ég hata GUBBUPEST!!

TAKA TVÖ - í öðru 24 tíma prófi

Jæja þá er komið að hryllingi nr.2 þessa önnina - 24 tíma próf í International Marketing. Sé fram á langan dag og langa nótt....Adidas er fyrirtækið og mikið í kringum Internetið.

Sólin skín úti svo þetta verður erfitt að láta ekki freistast..hehe en ég get!

Jónas bróðir kom í gær og er hjá Adda, hlakka ekkert smá að hitta hann eftir prófið ;o) En þangað til, eigið góðan dag elskurnar mínar og HLÝJIR STRAUMAR ERU VEL ÞEGNIR ;O)

Kommenta takk til að veita mér "baráttustrauma"

Lærdómur á RBG og vinnan að komast á hreint

Já lærdómurinn á fullu þessa dagana enda styttist í próf - veðrið með eindæmum gott svo ég hef notið þess að lesa markaðsfræðigreinar úti í garði með popp í annarri og yfirstrikunarpenna í hinni ;o) JÓNAS BRÓÐIR KEMUR Á ÞRIÐJUDAGINN og ég get hreinlega ekki beðið - hinsvegar næ ég ekki að hitta hann fyrstu dagana hans þar sem ég verð læst inni og með hug minn allann í þessu blessaða prófi. Næ þó að eyða helginni með honum og fram á mánudag þegar hann fer aftur. Hann nær þá bara quality momenti með Adda og Atla á meðan - hehe

...en yfir í annað. Ég er komin með vinnu hérna í sumar á þeim frábæra stað Lille Strandstræde 24 sem er hliðargata út frá Nyhavn. Ég verð að vinna í barnafataverslun sem hetir Baby-Kompagniet svo endilega þið sem komið til Köben í sumar, kíkið á mig og verslið eitthvað fallegt - það er ekki erfitt, því ég gæti keypt fullt og ekki á ég krakka ;o) Sé því fram á að prins Aðalsteinn muni njóta góðs af þessu ef ég þekki mig rétt.

Þið sem ekki komið til Kóngsins Köben í sumar þið þurfið ekki að örvænta því búðin er líka með internet verslun svo endilega kíkið HÉR INN og njótið þess að versla ;o) hehe

Annars lifið heil og njótið helgarinnar.

PS - þið megið endilega KOMMENTA - miklu skemmtilegra að skrifa eitthvað þegar maður fær viðbrögð ;o) Takk fyrir allar kveðjurnar elskurnar

HEIMAPRÓFIÐ BÚIÐ......

Mikið var þetta strembin nótt - vakti hana alla og rétt náði að klára prófið áður en ég skilaði í dag. Verð að segja að mér fannst þetta drullu erfitt og vá hvað ég KANN EKKI að taka svona 24 tíma próf og skipuleggja mig eftir því.

Ég og Kata fórum svo saman með stráknum í Brunch og je dúdda mía hvað þreytan var í loftinu - sjaldan hef ég sé jafnt óspennandi átta manna hóp í hádegismat saman - hehe....öll nánast sofnuð ofan í diskinn.

Núna hef ég vakað í 32 tíma og segi því PASS - FARIN AÐ SOFA!!!

Farið þið vel með ykkur elskurnar og TAKK KÆRLEGA FYRIR ALLAR FALLEGU KVEÐJURNAR - þær björguðu mér svo sannarlega í niðursveiflu og volæði í verkefninu í nótt. Núna er bara að bíða í ca mánuð eftir einkunn og byrja að læra fyrir næsta 24 tíma próf sem er á miðvikudaginn næsta......JÍHA

FYRSTA HEIMAPRÓFIÐ AÐ BYRJA EFTIR KLUKKUTÍMA!!

Jæja þá er ég að fara í fyrsta heimaprófið mitt á ævinni núna kl. 12 hér í CBS.....moment of truth :S vonandi gengur þetta bara sem best. Verð í prófinu næstu 26 tímana :o)

Þannig að allir góðir straumar eru vel þegnir og endilega WISH ME GOOD LUCK ;)

Brandari og bæn í tilefni dagsins....gleðilegan FLÖSKUDAG

Fékk senda nokkra góða tölvupósta frá múttu og langaði til að deila þeim með ykkur....

Kona nokkur kemur inn í apótek og biður um Arsenik.
"Og hvað ætlarðu að gera við það?" spyr apótekarinn.
"Ég ætla að eitra fyrir manninum mínum því hann er byrjaður að halda framhjá mér."
"Ég get ekki selt þér Arsenik til þess," segir apótekarinn, "jafnvel þó að hann sé farinn að halda framhjá þér."
Þá dregur konan upp mynd af manninum sínum í miðjum samförum við konu apótekarans.
"Ó," segir apótekarinn, "ég gerði mér ekki grein fyrir því að þú værir með lyfseðil."

Bæn dagsins.....Kæri drottinn.

Í dag hef ég gert allt rétt. Ég hef ekki slúðrað, ekki orðið reið, ekki verið gráðug, fúl, vond, eða sjálfselsk.
Ég hef ekki vælt, kvartað, blótað eða borðað súkkulaði. Ég hef ekki sett neitt á kredidkortið mitt.......
En ég fer á fætur eftir nokkrar nínútur og mun þurfa mun meiri hjálp eftir það. AMEN ;O)

Njótið dagsins og endilega segið mér eitthvað slúður í próflestrinum!!

TÍBÍSKT VEÐUR Í PRÓFALESTRI.

Greinilegt að prófaveðrið ætlar að fara að láta sjá sig hér í Kóngsins Köben - akkurat 6 dagar í fyrsta heimaprófið og því um að gera að sitja sveittur við bækurnar og reyna að ná einhverju inn í kollinn sinn.....EN NEI!!

Úti er heiðskýrt og sól, hitinn ca um 10 gráður

ÉG SEM HÉLT AÐ SVONA LAGAÐ VÆRI BANNAÐ :o(

Afhverju......

Tekst manni alltaf að fá ljótuna og þá meina ég "LJÓTUNA" þegar prófatímabilið byrjar og lærdómur tekur við. Ekki laust við að maður fái allt í einu eins og eitt stk bólu til að príða manns fína fés og löngunin til að ganga um í náttbuxum og víðri peysu tekur enn stærri sess í huga manns.

Þó ekki sé talað um pizzur, skyndibita og nammi - ég gæti svo mikið sem lifað á óhollustu á svona tímum. Vá valkvíði á háu sitig í gær þegar ég og Tóta fórum í Fötex. Stóðum í búðinni og bara hummmmm, okkur langaði í allt. Það var spurning um að kaupa köku, baka köku, fá sér gos og nammi og þá hvernig nammi. Okkur langaði í snakk, hlaup, súkkulaði og lakkrís og viti menn.

Við keyptum allt ofantalið í búðinni......nammi gott en ekki gott. Því verður það bara útlitið sem versnar.

En hvað veldur því eiginlega að maður breytist svona extremely þegar maður byrjar að læra á fullu?

YFIR OG ÚT - CBS bibliotek kveður!!

LÍFIÐ ER LÆRDÓMUR!

Já það má með sanni segja að næstu mánuðir verði lærdómur, próf og allt annað sem einkennist af prófalestri. Næstu vikur hafa eftirfarandi dagskrá skólalega séð ;o)

15-16. apríl - 24 tíma heimapróf í International Business and Strategy
23-24. apríl - 24 tíma heimapróf í International Marketing
29. apríl - 3 1/2 tíma modultest í dönsku
9. maí - skil á hópverkefni í Managing International Operations
19. maí - skil á 60 bls Business project verkefni
23-2.jún - 20 mín oral exam í Managing International Operations
9-13.jún - 20 mín oral exam í Business project.

Skemmtilegt ekki satt ;o)

Rannveig Alda frænka mun þó gleðja mitt litla hjarta með nærveru sinni hér á RBG34 um helgina er hún kemur í helgarfrí frá Lund Svergie ;o) Mikið verður það nú notalegt. En elskurnar mínar ætla að halda áfram að lesa um value chain, alliances og fleira áhugavert... lifið heil.

PS... mikið vona ég að íslenska krónan fari að styrkjast svo maður geti lifað sómasamlegu lífi hérna - úfffff

TIL HVERS AÐ TAKA TAXA Á DJAMMIÐ ÞEGAR MAÐUR GETUR HJÓLAÐ ;o)

Átti mjög svo skemmtilegt gærkvöld í gær með Tótu, Telmu og Gyðu. Sátum hér og sötruðum hvítvín og borðuðum íslenska osta.... þegar við ákváðum að kíkja í bæinn var ákveðið að reyna að ná í taxa, sem gekk alls ekki vel!

Því var málið leyst með hjólaferð á Sankt Hans Torv í cocktail og á Barcelona í mjög svo spes stemningu á dansgólfinu þar. Því voru luktirnar bara settar á hjólin og skundað á Borgarkroen þar sem Telma hrisstir vananlega koktaila og afgreiðir Hoff (Carlsberg). Eitt staup var tekið þar, en aðal markmiðið var að sjá Matthew McConaughey look a like! Hann var ekki á svæðinu svo við hjóluðum í átt að Strikinu og mikið er nú gaman að geta brunað það á hjóli um miðja nótt - hehe

Kvöldið var mjög svo skemmtilegt og var kíkt á Irish Rover og Viking í eintóma gleði! Eina sem að klikkaði að klukkan breyttist um kl. 2 um nóttina og þar af leiðandi misstum við einn klukkutíma hehe!

En núna tekur við lærdómur og meiri lærdómur við.... próf eftir alltof stuttan tíma ;o) En lifið heil mín kæru og sjáumst hress, ekkert stress, BLESS BLESS

UMHUGSUNARVERT...... Hvað er eiginlega að gerast á klakanum?

Fangageymslur fullar í Reykjavík - aðfaranótt páskadags!
Mikill erill var hjá lögreglu á höfuðborgarsvæðinu aðfaranótt páskadags og voru allar fangageymslur fullar eftir nóttina. Mikið var um útköll vegna ölvunar, hávaða og slagsmála. Einn var fluttur á slysadeild eftir slagsmál í heimahúsi við Miklubraut í gærkvöldi og er einn í haldi lögreglu vegna þess máls.

Þá voru fjórir menn í haldi lögreglu vegna húsbrots og líkamsárása í Breiðholti um miðjan dag í gær. Talið er að árásarmennirnir hafi verið fleiri en lögregla hefur enn ekki haft uppi á fleiri mönnum vegna málsins. Athyglisvert er að fangageymslur voru fullar og voru allir þeir sem færðir voru í fangageymslur af ÚTLENDINGAR!!

...Verð nú bara að viðurkenna að mér finnst þetta ekki sniðug þróun

Las þetta einmitt líka á mbl.is
Pólsk glæpagengi herja á löghlýðna Pólverja sem búa hér á landi, kúga þá og beita þá ofbeldi og að því er kom fram í fréttum Sjónvarpsins. Var þetta haft eftir þeim, sem urðu fyrir fólskulegri líkamsárás í húsi í Breiðholti síðdegis í gær. Lögreglan staðfesti þessar frásagnir við Sjónvarpið. Haft var eftir einum hinna slösuðu, að hann hefði verið að horfa á sjónvarpið þegar maður kom inn og byrjaði að berja hann. Sagðist hann ekki vita hver ástæðan fyrir árásinni hefði verið..... kannski einhvað gruggugt við þetta en ekkert grín að það sé ráðist inn á heimili með exi, hafnaboltakylfum og kúbeinum!

Hvað segið þið um þetta??

MISSION COMPLETE ;o)

Jæja góðir hálsar - GLEÐILEGA PÁSKA og vonandi eruð þið búin að borða nóg af páskaeggjum og hafa það huggulegt í dag. Ég er sem sagt stödd á Íslandi en ég mætti á klakann síðasta þriðjudagskvöld. Ástæða þess var að yndislegi frændi minn Kalli var að fermast og ekki hægt að missa af því. Ákvað hins vegar að láta hann og Laufeyju frænku (múttuna hans) ekki vita af því og mætti því óvænt í fermingaveisluna hans í gær upp á Akranes. Leyndarmálið náðist mjög svo vel og grunuðu mæðginin ekki neitt ;o) Bara gaman - þau störðu bæði á mig og svo bara: "Bíddu Sella, þú ert hér...ekki í Köben" hehe bara gaman.

Reyndar vorum ég og mútta nánast búnar að komast upp um heimkomu mína nokkrum sinnum, en mamma náði að spyrja Laufeyju spjörunum út þegar hún átti leið í bæjarferð svo ég myndi ekki rekast á hana! Einnig náði ég að svara símanum einu sinni heima og um leið og ég svaraði sá ég að það var frænkan mín kæra að hringja svo ég hljóp um allt hús til að láta mömmu fá símann svo hún fattaði ekki að ég væri hér - hehe hún hélt bara að heimasíminn væri eitthvað bilaður! Ég fór í dýrindis kaffiboð til Sigrúnar á föstudaginn langa og þegar ég kom heim aftur - þá á ég það mikið til að kalla "Hæ - ég er komin" þegar ég mæti og mútta krútta vissi það mæta vel svo hún æpti upp yfir sig "LAUFEEEEYYYYYY" þegar ég kom inn enda var hún að spjalla við hana í símann. Frænkan mín kæra grunaði ekki neitt svo það var óvenju ánægjulegt að mæta og hitta alla famelíuna í gær, systkini múttu, afa og ömmu, frændur og frænkur og ekki verra að fá dýrindis kræsingar og spila páska bingó!

En elsku páskaungarnir mínir nær sem fjær- njótið dagsins og við sjáumst sem fyrst!

Lífið leikur við mann - en ekki íslenska krónan!

Síðustu vikur hafa verið einstaklega ánægjulegar í alla staði og margt verið brallað:
* Tinna Sif og Guðrún komu í heimsókn
** Farið út að borða
*** Verslað, dansað, djammað og sungið
**** Kíkt í Zoologiske have - mikið af skemmtilegum dýrum
***** Matarboð hjá Gyðu og Kidda
**** Spilakvöld og matur með Kötu, Tótu, Telmu og Gyðu
*** Óvæntur næturgestur á RBG 34
** Endalaust fjör og nóg að gera
* Afmæli og fjórir gestir frá Íslandi í gistingu

....já sem sagt bara margt margt búið að gerast og enn meira framundan - góðir tímar nema nokkur RISASTÓR TÁR vegna íslensku krónunnar og mesta gengisfalli sem orðið hefur!

Kíkið á þetta: GENGISFALLIÐ Á KRÓNUNNI

Danska krónan orðin FOKKING 15,97 krónur.....

Síðastliðin vika frá A-Ö eða næstum því....

Frá því á fimmtudag í síðustu viku hefur mikið og margt verið brallað. Við hittum Ingibjörgu í brunch þar sem skvísan var í borginni. Telma kom og joinaði okkur ákváðum við vinkonurnar að kíkja smá í búðir. Eftir kveðjustund okkar við Ingu sem var að flytja aftur heim til Íslands gerðu við bestu kaup helgarinnar. STÆRSTU SÓLGLERAUGU sem ég hef séð! Líkt og myndirnar sýna þá skemmtum við okkur mjög vel í koktailum á MexiBar þetta kvöldið.

Föstudagurinn var tekinn mjög snemma enda var skipulögð ferð til Malmö með systrum múttu – Eygló og Fanneyju. Ég og Jóhanna vorum frekar ryðgaðar að koma okkur af stað en sem betur fer fórum við og Malmöferðin var hin besta. Mikið verslað, chillað á kaffihúsum og haft það huggulegt. Eftir góðan dag kvaddi ég frænkur mínar og við skunduðum heim á leið. Telma æði kom eftir stutta stund með pizzu og við tók smá drykkja og svo bæjarrölt. Rólegar kíktum við milli staða en viti menn það rættist heldur betur úr kvöldinu eftir að sólgleraugun voru sett upp og kynntumst við þremur íshokkígaurum, Marcus, Paul og Jukka-Pekka ;o) Kvöldið endaði í trúbadorsöng á Strikinu og frábærri skemmtun fram undir morgun.

Laugardagurinn var svo tekin í sjopperí og brunch á Café Zyrop... Fyrirhugað var út að borða um kvöldið og varð Italiano fyrir vainu. Tre amigos “Telma,Sella&Jó” vorum svo búnar að lofa að hitta íshokkístrákana aftur. Þeir hringdu til að tryggja að við skemmtilegu íslensku píur mættum á svæðið og viti menn þegar við mætttum var allt HOCKEYLIÐIÐ MÆTT – um 15 strákar. Þarf varla að segja meira en að við kynntumst fullt af skemmtilegum strákum og sólgleraugun vöktu mikla lukku. Enduðum meira að segja á því að selja þau ;o) hehe Einnig náðum við að ljúga að við værum með þau því við værum coworkers at BeeMovie...bara skondið.

Sunnudagurinn var söndagsåben og því skundað í Fields...þreytan sagði svolítið til sín svo við vorum fljótar aftur heim í kot og kvöldið tekið í videógláp, kjaftaskap og nammi nammi nammiát og chill. Jóhanna takk æðislega fyrir frábæra helgi og megi hún LENGI LIFA....OG MYNDRNAR LÍKA

Síðustu daga hef ég þó legið heima með einhvern slappleika og viðbjóð. Hef þó reynt að læra, slappa af og njóta félagsskapar frá Tótu og Hrefnu. Telma kom líka í gær og eldaði fyrir okkur dýrindis fajitas ;o) elskan þú ert ávallt velkomin hehe

Loksins er ég búin að ná mér að slappleikanum enda ekki seinna vænna – Tinna Sif frænka og Guðrún vinkona hennar koma í hádeginu á morgun ;o) Helgin því frekar plönuð í skemmtilegheit, girly things like cocktails, shopping and fun...hlakka bara til, eigið góða helgi og endilega kíkið á 5 NÝ MYNDAALBÚM FRÁ MÉR!!!

GESTABÓKAR FÆRSLA.....

Elsku Sella og Co. 2. mars 2008

Takk kærlega fyrir mig. Klárlega ein BESTA helgi ever!!!
Flott sólgleraugu, sætir strákar, drykkja og allt of mikið fjör.
• Skal vi knylle på luftmatrace!!!
• The makers of Beemovie!!
• Rida Rida, æ what the fuck, jeg synes du er røv lækker.

Fuck of and die, fardu í rassgat.
Stubbaknús, Jóhanna
Sjáumst í JÚLÍ :o)

Svona hljóðaði fyrsta færslan í gestabók okkar á Rudolph Berghs Gade. En ég ákvað að fjárfesta í henni til fá alla góða gesti til að kvitta fyrir komu sína í kotið. Annars er allt gott að frétta....ein mesta snilldar helgi búin og Jóhanna vinkona farin aftur til Íslands :o( Frekari ferðasaga og skemmtilegar myndir koma á næstu dögum!!

Rafvirkjar á RBG 34

Þokkalega getur maður verið stoltur af sjálfum sér þegar upplifunin "VERÐI LJÓS" á sér stað! Við stöllur, ég og Tóta gerðum okkur lítið fyrir og tengdum eitt stykki ljós í ganginum á leið niður í kjallara....já alveg sjálfar með litlu puttunum okkar.

Varúðarráðstafanir voru gerðar þar sem lekarofin var settur niður og ljósið tengt við glitur frá frábæru hjólaljósi ;o)

En ekki segja svo að stelpur geti ekki gert eitthvað nytsamlegt - þetta gátum við og meira segja verið með tyggjó í leiðinni - hehe

LIFIÐ HEIL - Jóhanna kemur á morgun.....jíhaaaaa

Margt á daga mina drifið upp á síðkastið!



Síðasta helgi var algjör snilld í alla staði – en Sigga og Jóhanna Ruth komu í heimsókn snemma á fimmtudeginum. Eins og sönnum Íslendingum sæmir voru nokkrar velveldar mínútur nýttar í búðarrápi og var bara skondið að 90% þeirra sem voru í H&M barnadeildinni voru íslenskir!! Á föstudeginum kíktum við stelpurnar í búðir, sightseeing um CBS og svo hófst smá kojufyllerí hjá okkur skvísunum. Eftir rauðvín og osta kíktum við á Mexíbar og óhætt að segja að Strawberry Margarita, Cabriña (braselískur drykkur) og nokkrum öl síðar vorum við svo sannarlega í stuði. Dansgólfið á Barcelona, spjall við Johnny Bravo og fleirir góða kíktum við á bar þar sem Sigríður vildi ólm taka keppni í fuzball ;o) Í skjótu bragði var djammið snilld og misstum við næstum af lestarferð til Århus í hádeginu daginn eftir….

Meikuðum það þó í lestina og áttum einstaklega notalegar stundir með Hrefnu Ýr og Tönyu Ruth alla helgina. Út að borða á Bali, pöbbarölt og gaman að hafa live hljómsveitir að spila, kíktum á skemmtistað sem var staðsettur í skipi niðrí höfn og svo heim. Kíktum á röltið í bænum, vorum menningarlegar og áttum einstakar stundir heima hjá þeim mæðgum…sjónvarpsgláp og nýja Party og Co. spilið var algjör snilld! Á mánudeginum var þó komin tími fyrir mig að snúa heim á leið enda skóli sem beið mín….TAKK FYRIR MIG – Hrefna þetta var æði gæði!

Svo skemmtilega vildi til að ég nældi mér í flensuviðbjóð þannig að ég lág heima þar til stelpurnar komu aftur í borgina. Áttum æðislegan dag og mikið var skrítið að kveðja þær :o( þið eruð velkomnar aftur!!

Við tóku smá skóladagar en fyrr en varði var komin aftur helgi – alveg fáránlegt og á föstudaginn fór ég í magnað IMM party með bekknum og var grímubúningaþema. Ég og Kata skemmtum okkur konunglega í undirbúiningi og fór ég sem ein af The pink ladies úr GREASE. Norsku strákarnir kíktu á okkur í nokkra öl fyrir partyið. Eftir ánægjulegt spjall drifum við okkur í partyið þar sem kötturinn var sleginn úr tunnunni og mikið dansað. Eftirpartý hjá Anette og heim alltof seint – enda drykkjan ágæt.

Í gær átti ég því frekar þynnkulegan dag…en það þýddi víst lítið því búið var að plana hvítvín og sushikvöld hjá Önnu Alberts og þaðan á þorrablótsball Íslendingafélagsins í Köben. Stuðið fór hægt af stað en ég, Magga, Hanna, Anna og Jóhanna horfðum spenntar á úrslitin af undankeppni Eurovision á íslandi og þaðan á ballið þar sem við hrisstum rassa við takt dúndurbandsins HUNANG ;o) Bara gaman…. Kíktum þaðan í bæinn en bæjarferð okkar Möggu endaði frekar fljótt á McDonalds og svo heim….þó æðislegt kvöld og öruggt að myndir af þessu koma eftir smá! Þangað til næst ástkæru vinir – BLESS

PS – Jóhanna vinkona er að koma á fimmtudaginn ;o) Get ekki beðið það verður æði gæði….

Funny day...

Dagurinn i dag er búin að vera hinn ágætasti. Eva Ösp og Þórunn Katla buðu mér með í girslday í Amagercenter þar sem að sumir misstu sig meira en aðrir í búðum ;o) hehe nefni engin nöfn.... Eftir búðarráp og skemmtilegheit í mekka Amager lá leið okkar út í óvissuna sem endaði í þessari stórskemmtilegu bæjarferð í Dragør. Bara fyndið bæjarfélag og fullt af litlum krúttaralegum húsum, sæt höfn og fyndnasta litla biograf sem ég hef séð!! Á heimleiðinni heimsóttum við Ishavsfisk sem er íslensk/færeysk fiskbúð á Amager og gera þau gott betur en það því þar fást t.d. Ora grænar baunir, skonskur, flatkökur, blóðmör og pítusósa og fjárfesti hún frænka mín nánast í þessu öllu.

Ég er nú hjá Kötu að passa Jónínu Margréti og var erfiðara að komast hingað en oftast....Eva og Þórunn buðu mér að sitja í frá Østerbro til Vanløse, sem vildi ekki betur til að ég þurfti að taka lestina frá Herlev til Kötu og þeirra....fyrir þá sem ekki vita þá er þetta álíka gáfulekt og ég byggi í Breiðholtinu væri að fara að passa i Mosó en yrði skutlað til Hafnarfjarðar ;o) hehe bara ógeðslega fyndið.

Kvöldið er búið að vera það ánægjulegasta, High School Musical 2 í DVD á meðan við lituðum einar 3 myndir og lásum svo eina bók um Dadda litla í The Incredibles ;o) Jónína er nú sofnuð og ég vafra um á netinu.

Skóli á morgun kl.9 og í hádeginu mæta mínar ástkæru vinkonur Sigga og Jóhanna Ruth á svæðið - get ekki beðið. Náum skemmtó dögum hér í Köben áður envið leggjum í ferðaleg að heimsækja Hrefnu Ýr og Tönyu Ruth í Århus...en þangað til næst....lifið heil!!

Skemmtileg helgi í faðmi fjölskyldunnar

Mikið átti ég yndislega helgi hér í Köben síðustu helgi. Gulla og Bragi komu alla leið úr vonda veðrinu á Íslandi í sína fyrstu ferð til Kóngsins Köben og var því margt brallað um helgina. Verslarnir á borð við H&M voru skoðaðar og auðvitað fylgdi poki með í kjölfarið, auk þess sem að við stóðum við loforð og kíktum á Hvids Vinstue barinn sem Jónas Hallgrímsson skáld fór reglulega á - ertu ekki glöð núna múttan mín kæra ;o) hehe

Eva Ösp og Natalía komu og hittu okkur þar og því sannkallaður fjölskyldufundur í veðurblíðunni. Röltum við á Kongens Nytorv þar sem fólk renndi sér á skautum, löbbuðum Nyhavn, skoðuðum Operuhúsið, kíktum á vaktaskipti í Amalieborg þar sem Margrét drolla býr og vá hvað var fyndið þegar Eva frænka varð nánast fyrir 6 marserandi varðmönnum í fullum skrúða!!

Eftir menningarlegt stopp þarna gengum við Lange linie að "DEN LILLE HAVFRUE" veðrið yndislegt svo þetta var ekkert smá gaman, verð þó að segja að hafmeyjan er ekki upp á marga fiska þó það sé gaman að sjá hana ;o)

Helgin var æðisleg í alla staði föstudagurinn var tekin í rólegheit og smá búðarráp en endaði heima í kósýheitum með rauðvín og osta. Laugardagurinn var alveg yndislegur í skoðunarferðum og buðu Gulla og Bragi mér svo út að borða á Italiano fyrir gistinguna - TAKK KÆRLEGA FYRIR. Gréta systir Braga var hér á fundi svo við fórum með henni út að borða...í eftirrétt fylgdi svo Strawberry Daquiri á bar...nammi namm

Sunnudagurinn var svo tekin í að skoða líferni hippa og hasshausa í Christaniu og óhætt að segja að þetta sé upplifun. Röltum svo Christianshavn niðrí miðbæ, settumst á kaffihús, kíktum upp í Rundetaarnen til að sjá útsýnið yfir borgina. Sem sagt æði gæði og takk kærlega fyrir skemmtilega helgi! Þið eruð velkomin aftur og aftur ;o) hehe

Myndir fylgja á myndasíðunni minni, endilega kíkið: public.fotki.com/sella

En ekki meira núna lifið heil ;o)

Loksins komin á hjól eftir fjórar tilraunir að kaupa það.....

Greinilegt að mér er ekki ætlað að kaupa mér hjól hér í Kóngsins Köben. Í fyrsta lagi hef ég fylgst grant með auglýsingum með hjólum þar sem það virðist eðlilegt að borga um 4000 dkk fyrir þriggja gíra hjól og fyrir þá sem ekki vita eru það um 53.000 íslenskar krónur. Ég var nú ágætis hjólagarpur á mínum yngri árum en ég er ekki alveg tilbúin til að borga það. En hjólasaga mín hefur verið svona í fáum dráttum:

Taka 1 - Sá auglýst hjól og ákvað því að skella mér í búð og fjárfesta - nei nei nei auglýsingin kom víst of fljótt í blaðið og engin hjól komin í búðina

Taka 2 - Fann annað hjól í Kvickly á líka þessu fína verði og ákvað því að skella mér á það. Fór í búðina, fyllti út Købbevis - einskonar ábyrgðarskírteini og þegar ég klára það sé ég að það vantar loft í afturdekkið...ekki gott þar sem ég ætlaði að hjóla á því heim. Því voru tveir elskulegir drengir hlaupandi um búð til að reyna að redda þessu - en gátu lítið gert, sprungið og þeir báðu mig um að koma aftur seinna þegar var búið að laga þetta.

Taka 3 - Fór í dag aftur til að sækja hjólið og halló halló búið að selja hjólið og ekkert hægt að gera í því!

Taka 4 - Rölti yfir í aðra búð því eg ætlaði að gefast upp og viti menn Rasmus - afgreiðsludúddi í búðinni bjargaði mér algjörlega og reddaði mér líka þess uflotta hjóli sem ég ætlaði alltaf að kaupa þannig að ég hjólaði glöð heim á leið.