ELVA AFMÆLISGELLA!!!!! Vil nýta tækifærið og óska þér Elva Björg, Arkansas skvísa innilega til hamingju með afmælið....... bara orðin 23 ára skvísa. Njóttu nú dagsins í úglandinu og have fun darling..... miss you big time!!!

Ljúft líf að klæðast rauðu....... ekki sýst þegar Man. United vinnur!!!! Já fyrir þá sem ekki vita var Man Utd - Liverpool áðan og meistararnir unnu 2-1.... ekki laust við að maður sé með glott á andliti yfir þessum snillingum sem maður hefur haldið með endalaust! En ekki meira í bili......bara gaman að horfa á boltann :)

Verð nú bara að segja það..... hvað er málið með bókakaup í skólum nú til dags???

Ekki nóg með að maður striti og puði á sumrin til að fá nokkra aura, þá er maður fljótur að kveðja þá þegar skólinn byrjar. Ég er í 6 fögum í skólanum sem allir eru með einhverjum massívum bókum........og viti menn eitt stykki bók kostar um 6980.- sem er ekki mannlegt fyrir fátækan námsmann!!

Eins gott að djamm og fyllerí er ódýrt í vetur út af þessum snilldar vísindaferðum!!!! Mótmælum því saman og reynum að spara, mætum öll í VÍSÓ

Yngsit prins fjölskyldunnar er komin með heimasíðu.....

Já haldiði ekki bara að óskírður Bragason (sonur Gullu frænku og Braga) sé komin með heimasíðu. Linkur á hana hér til hliðar svo þið getið nú fylgst með!!! Rosa dúlla þar á ferð.

ANNASÖM vika....... það er svo fínt að hafa nóg að gera ........en ég meina það. Gærdagurinn fór í að kynna Heimdall fyrir námsglöðum FB-ingum, og viti menn mín bara mætt í Breiðholtið kl:08:05 en það hefur ekki gerst í langann tíma. Svo tók skólinn við, Þjóðarbókhlaðan og loks vinnan

Ég veit ,,I don´t have alive”, dagurinn í dag er svo að vanda fullur af skemmtilegum fundum, til að ákveða kynningarkvöld Heimdallar á Hressó á laugardaginn, fundur borgarmálanefnd, fundur mannréttindarnefndar og svo að sjálfsögðu skólinn sjálfur!!! Hann má nú ekki gleymast.

Helgin...... er svo óðum að nálgast og má gera ráð fyrir miklu stuði, þar sem hún Kristín vinkona fær sveinsprófsskírteinið í hönd á laugardag, kynningafundur Heimdallar er og hún Helga Rut skvísa á afmæli!!!! Ekki amaleg helgi, verst bara að mín er að vinna líka! En það er þó dagvakt á laugardag og kvöldvakt á sunnudag, þannig að mín sést í bænum að vanda ;o)

Grænn Golf, eldri týpa.... bílnúmer BH ??? óskast

Já mín bara í rólegheitum í vinnunni í gær þegar einhver snillingur á grænum Golf ákvað að koma og grýta eggjum í vinnustað minn .

Greinilegt að Garðbæingar hafa ekki meira uppbyggilegra að gera á þriðjudagskvöldum. Eggjagaurnum á Golfinum tókst að kasta tveimur eggjum inn í sjoppuna til okkar og einu nánast í hausinn á mér....... það hefði verið amalegt!!!

ÉG bara spyr...... hvað hef ég gert af mér? Eða kannski bara eigandinn..... á maður ekki að kenna honum um óánægða viðskiptavini sem taka til þess ráðst að GRÝTA EGGJUM?

Lífið er dans á rósum...... .svona á þetta að vera!!!

Já nóg að gera hjá mér eins og vanalega, og viti menn mín er að fara á ráðstefnu í Finnlandi 31. okt - 7. nóv. Hljómar vel ekki satt..

Þetta er ráðstefna á vegum Nesu, félags viðskiptafræðinema á norðurlöndunum. Farið verður til Köben, þaðan til Helsinki þar sem við gistum en einnig munum við skreppa til Eistlands í heimsókn í 2 daga....

Hljómar vel ekki satt?? þannig að bara dans á rósum hjá mér.

En later.... vinnan kallar á mig eftir 10 mín.

Hvað er málið..... á ég enga vini lengur!!!!

Veit ég hef verið frekar busy upp á síðkastið.... en svona pæling á ég enga vini enn í gegnum bloggið?

Er ég bara einhver púki út í bæ sem tala við sjálfan mig á netinu, eða eru þið fólk að læðupúkast þarna bak við mig..... commentið nú hjá mér, áður en ég fer í VERKFALL.

ein einmana og svekkt ;o(

Snúast allar auglýsinar um kynlíf og klám........... smá pæling

Er þetta bara ég eða er alveg eðlilegt að sjá eftirfarandi auglýsingar:

,,Besta svæðanudd sem völ er á” (Einstaklingsrúm)
,, kraftmiklar og endingargóðar” (þvottavélar)
,,Stærðin skiptir máli” (Banana Boat Aloe Vera gel)
,, Hart og gott” (gólfefni - parket)

Er það bara ég sem er svona mikill sorakjaftur eða er þetta bara raunin??????

Já ég verð að spyrja er eðlilegt að fá spurningar eins og ég fékk um seinustu helgi. Á föstudag labbaði gaur upp að mér og spurði: ,,ertu dyravarðarmella?” og á laugardag fékk ég þetta góða coment að ég væri: ,,pervert” þarf ég að fara að endurskoða útlit mitt..... eða hvað er málið????

Jeff Buckley...... er átrúnaðargoð

Verð nú bara að nefna þennan mann, því ég heyrði lagið hans Hallelujah um daginn en þetta lag er auðvitað eitt það flottasta í bransanum. Ekki það að ég sé lituð af hlustun þessa lags. Þetta lag er mín heitasta minnig á Spánardvöl minni og Gyðu árið 2001, þar sem ég held að þetta lag hafi verið spilað oftar en allir þeir dagar sem við dvöldum þar...... Þegar ég heyrði þetta lag..... saknaði ég strax Gyðu minnar sem er í Kanada að læra verkfræði, hlakka til að sjá þig Gyða mín um jólin, tökum þá eitt gott Buckley kvöld!!!!

En í alvöru mæli með þessu lagi hjá goðinu góða, tékkið á þessu!!!!

ÍÞRÓTTIR..... HANDBOLTI ER GUÐSGJÖF

Var að fletta blaðinu um daginn og áttaði mig þá á því að íþróttir á borð við handbolta eru ekkert annað en hrein guðsgjöf!!! Ekki nóg með að það sé fullt að gerast allann tímann, frekar simple leikreglur og allir geti horft á þetta, þá er líka uniformið bara fínt.

Það er annað en glíma, þar sem keppandin þarf að klæðast þröngum leðurólum sem engin skilur tilganginn í. Eða þá bara waterpolo........ varð óvart áhorfandi á þessari mögnuðu íþrótt á ólympíuleikunum og ég varð að segja fyrr myndi ég grafa mig en vera með.... manni sem stundaði þessa íþrótt...... þeir líta út eins og pínulítil smábörn með öfugarbleyjur á hausnum!!!!!

Hvað er að........ þá vil ég nú frekar kjósa almennilegar íþróttir á borð við handbolta eða fótbolta þar sem maður getur nýtt helgarnar fyrir framan sjónvarpið með bjór við hönd og skemmt sér!!!!!!!

Stjórnmál, vinnan og skólinn
Já djammið er ekki nóg hjá mér... Heimdallur er gríðarleg vinna en skemmtileg. Við höfum verið á fullu að undirbúa okkur fyrir komandi vetur. Komið er í gang fullt af áhugaverðum málefnahópum fyrir þá sem hafa áhuga. Sjálf hef ég komið mér í Borgarmálin, Mannréttindamál og Mennta-og menningarmálanefnd. Það er á mörgu að taka en vonandi gengur okkur vel..... með hjálp góðra einstaklinga. Var einmitt á góðum fundi með Vilhjálmi oddvita borgarstjórnar áðan....... kíkið bara á www.frelsi.is og sjáið dagskránna í vetur.!!!! bara gaman og gagnlegt
Helgina fór ég svo á SUS-þing á Selfossi. Þetta var málefnaþing þar sem málefnanefndir störfuðu og í lokin komu fram ályktanir og atkvæðagreiðsla um ákveðin málefni. Ég verð nú að segja fyrir mitt leiti var ég nú ekki sammála öllu......... en það er nú örugglega eðlilegt!! Allavegana mjög fróðlegt og skemmtilegt og ekki hægt að segja annað en að maður læri á þessu. Mætti þó reyna að ná dagskránni betur skipulagðari svo nafnið á þinginu verði ekki alltaf Sjúss-þing.
Vinnualkinn ég hef svo ákveðið að vinna öll þriðju- og fimmdagskvöld í vetur..... og aðra hvora helgi sem er kannski klikkun en það kemur í ljós. Kannski verður maður bara skipulagðari fyrir vikið. Bíð og vona..... skólinn kemur svo þess á milli!!!

Djammið alltaf mikið á minni það vantar ekki!!!!
Sellan er alltaf sú sama, hvort sem það er Steinselja, heilasella, sella gella eða hvað þið viljið kalla það. Mín kann sko að djamma!!!

Ekki vitlaust hjá minni að bjóða sig fram í stjórn Mágusar upp á djammið. Veturinn er rétt byrjaður og ég hef fengið 2 góð skipti til að skemmta mér og mínum. NÝNEMAFERÐIN var farin seinustu helgi upp í nýuppgerða hlöðu í Laxnesi í Mosfellsdal. Ferðin gekk mjög vel fyrir sig, við lögðum af stað frá Odda og að vanda þurftum við félagarnir að láta rútuna bíða eftir Hönnu ,,stundvísu”. Þaðan lá leiðin með fullri rútu af ný- og ekki nýnemum upp í sveit. Frekar skondin stemmari þar á ferð þar sem fólk þekktist ekkert og svoldið svona vandræðalegt á köflum, merktum þó alla með nöfnum til að auðvelda þetta..............en treystið mér það átti eftir að breytast, allt fljótandi í bjór um kvöldið, farið var í skeifukast, leikinn: hver er maðurinn? Og snilldar leik: Sækið 6 hluti ( í þetta sinn, gleraugu, trefill, sígarettupakki, smokkur, einn skór og að lokum brjóstahaldari)

Mér finnst að ég og Soffía ættum að fá eitt stórt klapp fyrir að vera þær einu sem vorum hjálpsamar og redduðum brjóstahöldurum fyrir keppendurna..... og já með þvílíkum hraða!!!

Tekinn var góður söngfílingur, þar sem Jói og Stulli tóku nokkra góða slagara og ekki klikkuðu söngbækurnar. mest ánægð með þessa frábæru djammfélaga sem ég hef eignast ..... félagar þið megið fara að vara ykkur ;o)

Leiðin lá svo á Hverfis eftir öll herlegheitin, þar sem sungið var og spilað alla leið í bæinn. Við tóku svo drykkjuleikir á Hverfisgötunni til að klára bjórbirgðirnar áður en hellt var meira í sig í bænum.... SEM SAGT MIKIL ÖLVUN Á FERÐ!!! Eins og sést. Kíkti þetta tíbýska rölt í bænum og svo seint og um síðir heim að sofa ;o)

Svo í gærkvöldi var SKEMMTIKVÖLD MÁGUSAR OG ÖKONOMIU en þar voru þessir líka mögnuðu trúbadorar á ferð. Jói í Hárinu og Kjartan sem betur eru þekktir sem trúbbar á Ara í Ögri um helgar. Góð stemmning á fólki og bara slatta góð mæting miðað við miðvikudag. Ég á líka þessar góðu vinkonur sem kíktu á mig, Vera, Sissa, Jóhanna, Benný og Bryndís takk fyrir að koma. Bara mikil söngstemming og gaman........ Bíð spennt eftir VÍSINDAFERÐ á föstudaginn svo!! Panta svo bara pláss á Vogi í desember, ekki tími fyrir það fyrr.

Sella ,,don´t have alive” is my middle name!!!!
Já þannig er það nú bara........ ég hef ekki átt mér líf seinastliðnar vikur. Ég hef verið meira en busy sem er mjög gott fyrir meira en ofvirka týpu eins og mig. Já fyrir ykkur sem þekkja mig þá tek ég mér oft oft allt og mikið fyrir hendur.

Margir teldu mig eflaust stórklikkaða ef þeir vissu hvað ég hef að gera þessa dagana..... já því ég kann ekki að segja NEI og er því núna í 6 fögum í skólanum, yfir 60% vinnu, formaður Mágusar, félags viðskiptafræðinema í HÍ og í stjórn Heimdallar..... en ég kvarta ekki. Þetta er þvílíkt gaman! Ég er nú bara ung einu sinni því er bara gott að undirbúa sig vel og telja niður dagana í almennilega hvíld í jólafríiinu.

Segi því bara gleðilegt skólaár og frábært HAUST

Allir að kíkja á HVERFIS í kvöld................

.........já það er trúbadorakvöld í boði Mágusar á Hverfis í kvöld. Tveir hressir strákar sem halda uppi stemningunni á Ara í Ögri um helgar ætla að spila fyrir okkur. Kíktu með mér..... bjallaðu bara!

Kv Sella

Ps. sorry bloggleysið, það fer að batna með skólanum!

Bara komnar með blogg....... ekki gleyma að kíkja á þetta!!!

Já þær vinkonur mínar sem ákváðu að yfirgefa mig þetta skólaárið, eru byrjaðar að blogga til að lýsa menningarsjokkinu, sætu svörtu strákunum, roadtripunum o.s.frv. Elva og Anna Lára í Arkansas..... kirkjubæ þar sem áfengi er bannað! og Gyða í Kanada, þar sem hún ætlar að fræða okkur um ævintýri Welf (eða held það)...... enn 5 days to go!

Innri friður. (Fékk líka þennan fína póst í dag.................... og þetta virkar ;o) Ég sendi þetta hér með áfram til þín af því þetta virkaði svo asskoti velfyrir mig.. og af því að í amstri hversdagsins þurfum við eitthvað til að viðhalda þessum innri frið. Með því að fylgja einföldu ráði sem ég las íCosmo, hef ég loksins fundið innri frið. Þetta stóð í greininni: "Leiðin til að öðlast innri frið er að klára allt sem þúhefur byrjað á". Ég horfði yfir íbúðina mína og sá allt það sem ég hafði byrjað á og ekki klárað....Og áður en ég fór út í morgun kláraði ég flösku af rauðvíni, flösku af hvítvíni, eina hálffulla Bailey's, Kahlua og kalkúnasamloku, hálft bréf af Prozac, slatta af valium, hálfa ostakökuog box af súkkulaði. Þú getur ekki ímyndað þér hvað mér líður hreint andskoti vel, þessi innri friður er alveg að blíva....

FÁRÁNLEG SKEMMTUN..... um helgina

Já allt búið að vera að gerast þessa helgina....
FLÖSKUDAGUR byrjaði á því að undirbúa 50 ára afmæli mömmu sem var haldið á laugardaginn, og guð hvað var gaman Þegar ég og Vera vorum búnar að rista um 15 stór brauð skellti ég mér í partý til Andra og ekki að spyrja mikið stuð og mikið gaman þar...... vildi bara að ég hefði verið að tjútta með crewinu en NEI góða stelpan ég var að spara mig. Kíkti svo í ammæli til Erlu Maríu þar sem við stúlkurar átum og spjölluðum um allt milli himins og jarðar.

LAUGARDAGUR já merkisdagur.... mútta bara orðin 50 ára og fjörið rétt að byrja. Var á fullu að undirbúa afmælið hennar allann daginn, finna gömul föt sem við áttum eftir að hrella hana með fram eftir degi. Redda restinni af áfenginu sem klikkaði, klára að skreyta salinn og ná mömmu niður á tærnar þvi sjaldan hefur eins stressbylja umvafið hana svo ég muni eftir mér.

PARTÝIÐ SJÁLFT í einu orði sagt ...... BESTA PARTÝ ÁRSINS og erfitt verður að toppa það. Um 100 manns komnir að djamma með okkur familíunni, fullt af skemmtiatriðum og sjálfur Eyfi kom í teitið og söng með okkur saumókrökkum NÍNU og fleiri góða slagara. Vera fór á kostum með óundirbúið skemmtiatriði sem vakti mikla lukku þegar hún söng ,,raddaðan keðjusöng” með 3 systrum mömmu. fáránlega fyndið..... horfði á þetta live í gær og er enn að jafna mig úr hlátri. Mikið drukkið, mikið dansað og mikið djammað. Allir í banana stuði og þegar kl var um 3 lá leiðin heim í partý. Ég, Jónas bróðir, Gulla litla þjónustustúlka, Elli heimalingur og Viddi ,,afkvæmabarn nr1” kíktum á fjörið en ákváðum svo að skella okkur í byen og sjá menningarmorgun í allri sinni dýrð.

BÆRINN góður til að byrja með þar sem við skelltum okkur í pissustopp á Kofanum, fórum á Celtic og drukkum aðeins meira (þurftum svo á því að halda :o) en eins og flestir vita endaði kvöldið á Prikinu....... og Sella litli klaufabárður náði að verða fyrir einhverjum rugludalli sem grýtti glasi í gólfið og skarst svo vel á kálfa og rist að mín þurfti að skella sér á SLYSÓ og láta sauma 6 SPOR í fótinn bara ekta ég..... tók þó svolítinn tíma að koma mér úr bænum þar sem mín var ekki á því að fara heim enda djammið rétt að byrja hjá mér!!!! En svona er þetta nú...... allt er gott sem endar vel og ég er að geta byrjað að labba aftur bara gaman!

P.s var svo skemmtileg á Slysó að læknarnir sögðust vera til í að hafa svona skemmtilegan sjúkling allar helgar.!!! Spurning hvort ég taki þá á orðinu...... en þangað til næst.

Afmæli afmæli afmæli!!!

Í tilefni dagsins langar mig að óska afmælisbörnum dagsins til hamingju. Eva Ösp 22.ára, Hinni 23 ára, Sigrún Ósk 24 ára og Dúddi 25 ára.

Njótið dagsins til fulls og sjáumst svo öll hress og kát á landsleiknum á eftir

ALLTAF NÓG AÐ GERA HJÁ MÉR!!!!!

OFVIRKA manneskja ég...... hef látið plata mig í allskyns hluti þessa dagana. Fyrst og fremst er ég að bjóða mig fram til stjórnar Heimdallar, sem fyrir þá sem vita ekki er það félag ungra sjálfstæðismanna í Reykjavík. Brjáluð vinna þar á ferð en um leið..... frábær skemmtun. Endilega vinur minn kær ef þú kýst X-D og ert í flokknum komdu þá og settu x- við Bolla í Valhöll á morgun og trúðu mér þú færð eitt stórt faðmlag frá mér að gjöf!!!

Djammið er ekki langt undan en ég reyni að sletta aðeins úr klaufunum um leið og vinna er búin og tími gefst til.... dugleg er þaggi. Fór í kveðjupartý til Önnu Láru og Elvu seinasta laugardag og viti menn....... bara Verzló reunioun leið eins og ég væri í fyrirpartý fyrir jólaball í 4.bekk, mjög skemmtilegt og frekar skondið ha

En annars bara vinna, vinna og djamm næstu helgar. Skólinn að byrja og nóg að gerast þar. Fyrsta vísindaferð er plönuð hjá Mágusi en hún er 10. sept....... endilega farið að hlakka til, það verður stuð

En þangað til næst. Veriði hress og bless
Sella